الموضوع موجه للمتزوجات لأكثر من سنتين واللي تقول خلاص تعودت عليه وتعود علي .. مع سنين العشره واليهال خلاص صار ما فيه اثاره وشوق ..
اريد أكشششششششن بحياتي ..
تعالي أنا وياج نتعلم كيف نرد مثل ايام الملجه
دلع دلع دلع ودلال وتغلي
فري راسه وخليه ما يشوف غيرج بكم شغله بسيطه بس
"محدش يخذها بالسااااااهل "وبعد ..
هذا ما يمنع العرايس والبنات ككل يتعلمون ويتمون بناااااااات دلع في دلع طول العمر
احنا عامه .. عشنا حياه دلع وترف ولله الحمد تدللنا وتدلعنا وخذونا رياييلنا من بيت اهلنا واحنا
إنــــاث بالمعنى الحقيقي
وين الانثى الحين
مع الحمل والولاده والدوام واليهال والتدريس !!!
وينا اياام الاول
كل شي دسكستنج و ترف وانوثه
الحين صرتي ام وزوجه وبعضنا خذت مهام الزوج واهملت حالها وصار همها بيتها وعيالها
ودثرت الانثي في داخلها
تبدين الكل على نفسج واهتماماتج آخر آمالج
خلاص الحين خلينا نبدي من يديد
يا الله معاي اخذي نفــــــــــــــــــــس عميــــــــــــــــــــــــــق
إستعيدى جاذبيتك واطبخيه على نار هادئة
بنتكلم بموضوعنا من 8 نواحي يمكن انج هاملتهم .. يمكن انج تطبقين منهم
بس انا اريدج تطبقينهم كلهم عشان يتحقق ما نتمناه
1-نضمي وقتج
2-تقربي من الله
3-عنايتج الشخصية
4-تغيير الستايل
5-الانجذاب العاطفي
6-الإغراء ولغة الجسد
7-لغه الرجال
8- الانجذاب الجنسي
ويااااا الله نبتدي
أولا:نظمي وقتج
استعيني باجنده .. كتبي فيها اعمالج الشهريه ..
كنت فعلا فعلااا قبل منظمه وقتي
تنظيم الوقت يخليج تركزين في الاعمال الي بتسوينها
يخليج مرتاحه ويبعد عنج التراكمات
مثال للزوجه: قرايه صفحتين من القرآن الكريم يومياا
يوم فالاسبوع حمام الهنا( صنفره وماسكات )
3 ايام فالاسبوع رياضة
يوم طلعه صديقات أو اهل ... الــــــــخ
ثانيا: تقربي من الله سبحانه
بقولج فالبدايه في كل شي تسوينه فحياتج مع زوجج إحتسبي فيه الاجر وخلي نيتج لله
وتوكلي على الله
وخلي عندج يقين بالله مب في زوجج
واتبعي هالنقاط قبل لا تطبقين اي شي عشان الله يوفقج وايسر أمورج:
-إذكار الصباح والمساء
-الاستغفار كثر ما تقدرين فاليوم فالسياره فالبيت فالدوام دايمن قولي
أسغفر الله الذي لا إله إلا هو الحي القيوم واتوب إليه
-لا تهجرين القرآن .. ولو صفحتين كل يوم إذا أنت مب متعودة على قرايته شوي شوي لين يصير جزء اساسي من حياتج
-وقت الزعل سجدي لله وقري سوره يــــس واشتكي لله وحده ولا تشكين لغيره صدقيني بتحسين بسكينه وراحه نفسية
-وقت الفرح تعلمي تسجدين لله سجده شكر عشان رب العالمين يزيدج من خيره
صدقيني راح تكتسبين من السجود طاقه سبحان الله تريحج وتييبلج الطمأنينه
-الدعـــاء الدعـــاء الدعـــاء .. اختاري أوقات استجابه الدعاء وأكثر وقت تحسين فيه بخلوه هو قبل صلاه الفير لو بعشر دقايق
كل هذا مثل ما قلتج مع اليقين بأن الله يستجيب دعاء عبده عاجل أم آجل
ثالثا:عنايتج الشخصية
تعلمي معاي شلون تسعدين تفسج فالاساس .. أي شي تسوينه لزوجج لازم تعرفين انج مسويتنه لنفسج ولا تقولين ما يهمه لا تقولين مب داري عني .. انتي بعد
ولاااااا يهمج !!!!
خلي همج نفسج انشغلى بالرغبه بالتغيير واستمتعي باي شي تسوينه وهالشي هو طريقج لتغيير نفسج .. لأنج بهالحاله بتعززين ثقتج بنفسج ولا يهمج كلام غيرج دامج على صواب .. وما سويتي شي تستحين منه خليج انثي مميزه بهري زوجج وكل من حولج .. بــ جمالج اناتقتج انوثتج حققي جاذبيتج وهي بدايه الخيط للنجاح وتحقيق ما تتمنين
العناية بالشـــــــعر
نسيتي الاستشوار !!
رابطه شعرج كبه من تسبحتي لين باجر السبحه الثانيه
نسيتي الحمام زيت والكريمات والفير !! شعرج نص جمالج .. اعتني فيه وخليه يصير نفس دعايات الشامبوهات اللي تشوفينهم فالتلفزيون حافظي على طراوته ونعومته وترتيبه وخليه لامع مقبول المنظر
يعني هالله هالله بالعناية بالشعر لان الرجل بصري يركز على الموجود جدامه
زيدي على هالفتنه لمسات من عالمج الجمالي تدلعي جدامه بشعرج تعمدي اغراءه لعبي بشعرج حركيه نزلي خصلات على خدودج وعلى ويهج نثريه بحضنه وخليه يمسح عليه
وطبعاااا هالشي ما يتحقق الا بالعنايه مثل ما قلنا
يا الله ابتدي من اليوم
- ماسكات - زيوت طبيعية ( زيت الصبار - زيت الأفوكادو - زيت الخروع - زيت الزيتون ) - شامبو وبلسم مناسب لنوعيه شعرج - ولا تنسين مع أي علاج تستخدمينه لشعرج ......
تسوين مســــــــاج لفروه الراس قبل وبعد .. عشان تلقين فايده من هالعلاج اللي تستخدمينه سواء ان كان زيت أو ماسك .. وعطي نفسج الوقت دلكي برقه وبحركه بطيئه لين تحسين ان الزيت نغلغل لداخل الفروه بعدها غطي الشعر بقبعه بلاستك وخلي شعرج يستفيد لمده ثلث ساعه على الاقل
وهذي بعض خلطات الزيوت:
زيت جوز الهند مع لب ثمره الصبار زيت السمسم مع العسل والبيض زيت الخروع مع المايونيز وصفار البيض وبعد ما ينتهي الوقت دلعي روحج بالشامبو وحطيه بايدج بطريقه ناااااعمه فركيه وحطي لكل طرف شوي ولا تدقينه على راسج عشان مستعيله وآخرتها انتي الخسرانه - قصي اطراف شعرج فالشهر مره عشان تزيد حيويته وكثافته - استخدمي مشط مصنوع من الخشب عشان تتفادين التقصف بعدها بتلقين شعرج من اروع ما يكون صبغيه أو حنيه مثل ما تبين وخليه يقـــــــــــول
لما النسيم بعدي بي شعرك حبيبتي بسمعو بيؤووووول آآآآآآهااااااات
العناية بالبشره
الوجه
حددي نوع بشرتج وابدي بالاهتمام فيها
جافه دهنيه مختلطه استخدمي المنتجات الخاصه فيها
غسول كريمات ماسك تقشير ولا تبخلين على نفسج بالغالي دامج تقدرين
جربي جلسات النضارة وشد البشره فمراكز التجميل
وفالبيت بعد اهتمي بعمل الماسكات الطبيعيه للبشره
قناع العسل وزيت الزيتون يقضي على الشوائب ويخلي بشرتج كلها نضارة وحيويه
الجسم
اهتمي بالاسترخــــــــــــــــــــــاء
اهي ساعه وحدة من الــ 168 ساعه (ساعه فالاسبوع ) حدديها لجسمج
سويلج حمام مغربي وصنفره وغسلي بأروع الشاورات
وتهني بعدها بحـــــــــمام الورد
الاسترخاء يساعد على إزاله التوتر من الجسم ويخفف عنج ضغوط اليوم ويعطيج حيويه
وبعدها رطبي الجسم بأحلا ما عندج من كريمات وعطريه بأروع السبريهات
دااايمااا وابداااا استخدمي الكريمات ذات النكهاااات الطبييعيه خليه يشمشم فيج ويقرب منج ويدمن على ريحتج
مارسي الرياضه مرتين اسبوعيااا سواء في نادي أو فالمنزل مع شريط فيديو.. أو حتى المشي في الجو النقي
واهتمي بالاكل الصحي .. بتحسين ان فيج نشاط وحيويه ..
وبعد بتحسين انج اصغر من عمرج
نعومة اليدين والاضافر
الطله المميزه يعني الاهتمام بكل تفاصيل الجمال .. زيدي سحر وجاذبيه واسري زوجج بإيدج الناعمه واضافرج
بحركات ايدج العفويه بلاحظ النعومه وانت ولا كأنج تدرين .. وقت الاكل .. وانتي على الاب توب تجكجكين بهالاضافر .. سحبه الكلينكس بنعومه وخفه .. قذلتج لا طاحت على عينج من النعومه طبعااااوانت ترفعينها بأطرااااااف الاصابع
لاحظي نظراته لج .. وبتلقين نفسج حريصه دايمااا على الاهتمام فيهم رطبي ايدج واضافرج دايم .. واهتمي بصحتهم باتباع نظام تغذيه صحي غني بالفيتامينات اللي تقوي الاضافر مثل البيض والصويا والكبده والتفاح والحمضيات .. لان هذي الاصناف من الاكل تساعد على لمعتهم ومرونتهم دايما مسحي آثار صبغ الاضافر القديم ونقعيهم بعدها بخليط الليمون والحليب لمده خمسه دقايق دايم استخدمي المبرد الخشبي وابتعدي عن المبرد الحديد لانه يسبب التشقق اختاري صبغ الاضافر الناعم والخفيف وابتعدي عن السميك لانه يتقشر بسهوله حرصي على جلسات المنيكيور بشكل شهري في الصالون اهتمي بنعومه ايدج والفوت وفركيهم بصنفره زيت الزيتون مع الشكر أو اي صنفره تشترينها لهالغرض ولا تنسين سر الفازلين
سوي جلسه تبييض اسنان وخلي بسمتج ناعمه وحاولي بالبسمه تطلع اسنانج السفليه لان بهالحركه إغرااااااء اهتمي بعمل مراهم طبيعيه للشفاه زيت زيتون مع العسل يساعد على ازاله التشققات
العطر
وما تكتمل جاذبيتج وجمالج الا بعطرج سواء ان كان عطر ناعم أو قوي وجذاب .. حسب الوقت والزمن بتختارين العطر
حطيه ورا اذنج وبصدرج وبرسغج .. وشوي بكف ايدج ومسحي فيه على خصل شعرج .. ولا تكثرين عشان ما تطغي على ريحه جسمج .. احنا نبيها تندمج معاها وتعطي عطر خاص فيج
اهتمي بالعطر وخليه من اساسياتج ..لان باي لحظه يمكن يتقرب منج زوجج واذا قرب اول ما يبي .. يبي اللمه واللمه معاها الشمه .. يعني يحب يوم يلمج يشم ريحتج ويشبع .. فالريحه الحلوه تجذبه وكذلك الريحه الزايده عن الحد بتنفره عنج وبيصير مجرد عطر ممكن انه يشمه على أي وحده غيرج
تذكرين ايام الملجه؟؟ تذكرين ان ريلج كان يعلق على عطر معين حطيتيه ؟؟ هو عطر واحد بس لفت انتباهه وركز فيه
اشتري هالعطر مره ثانيه خليه لمناسبات خاصه بينج وبينه .. أو إذا سافر رشيه على قطعه من البدل .. رشي فيه مخدته وخليه يحن لج ولاحلى ايامكم .. هالشي بخليه دايم بشوقلج إذا ابتعد عنج
رابعا : تغيير الستايل
اللبس والمكياج
شكلج الخارجي يعطي الانطباع الاول عن شخصيتج
وبالنسبه للي يعرفونج بيعطي الانطباع عن حالتج النفسيه بهاليوم زوجج دام دايم دايم ويهج فويهه .. جددي ونوعي فلبسج ومكياجج .. ولبسي بعد حسب مزاجه وراحته النفسيه .. طبعااا بحيث ما يتعارض مع ذوقج
جينزات ضيجه شورتات تنانير .. واللي تقول كيف جدام عيالي،، لبسي مثل الصوره هيلاهوبات ملونه بتعطي شكل وستايل وصيري شوي فنكيه
ولا تنسين تأثير البيبي دول تحت التنوره القصيره
وخليج ناعمه وبنوتيه فيوم ثاني
وقمصان النوم بعد .. شكلي ونوعي بين المغري والمثير والتنكري
وبين الناعم والراقي والاثوي
صنادل نعومه للنهار وشحاطات ريش ونعل للبجايم والله مفعولها قوي ورهيــــــــــــــــــــــب
ولا تنسين الاكسسوارات والتاتو .. يكملون جمالج ويبرزون انوثتج
تذكرين ايام الدارسه!!! تذكرين جنطه المدرسه والمداليات اللي نعلقهم عليها ؟؟ خليج بنوته وغيري ستايلج اقلام ريش ميداليات قلوب ودبب اكسسوارات لتلفونج ولا تنسين الدبدوب خليه على سريرج ولميه وانتي نايمه ... لا تضحكين وتتطنزين !!! صدقيني جربي وشوفي النتيجه وفالاخير بعد ما اكتملت طلتج البهيه خلينا نروح لناحيه مهمه ثانيه واللي هي العاطفه
للتسجيل اضغط
هـنـا
الإهداءات
04-02-2010, 10:18 PM
استعيدي رونـق جمـالك واطــبخــيه على نار هادئـه
السالفه فيهاا طبخ
سهله ومايبيله شي 
يسلموووووووووو دلوعه موضوع بغاية الاهميه
مواضيع جديدة في قسم المرأه الرومانسيه
